Óvíst hvort Gaddafí hafi verið krufinn

Þingkosningar eiga að fara fram í Líbíu innan átta mánaða, segir formaður bráðabirgðarstjórnar Líbíu. Óvíssa ríkir um hvort lík Gaddafis, fyrrum leiðtoga landsins, hafi verið krufið í dag.

Á fundi alþjóðaefnhagsráðsins í Jórdaníu í dag sagði Mahmoud Jibril, formaður bráðabirgðarstjórnar uppreisnarmanna Líbíu, fyrsta hlutverk hins nýja þings að skrifa nýja stjórnarskrá, en kjósa ætti til þingsins innan átta mánaða. Þá yrði kosið til almenns löggjafarþings og forseta.

Lík Gaddafis, fyrrum leiðtoga Líbíu, er enn í Misrata, en fjölmiðlum ber ekki saman um hvort hann hafi verið krufinn í dag eða ekki. Samkvæmt breska ríkisútvarpinu er búið að kryfja líkið og afhenda eigi það fjölskyldu Gaddafis á næstunni. Aðrir miðlar segja hins vegar talsmann bráðabirgðarstjórnarinnar það ekki koma til greina að kryfja Gaddafi.

Enginn veit hins vegar hvernig haga eigi útför Gaddafis þar sem bráðabirgðastjórnin hefur ekki komist að samkomulagi hvort grafa eigi líkið eða fleygja því í sjóinn. Sameinuðu þjóðirnar, fjölskylda Gaddafis og Mannréttindasamtök hafa hins vegar krafist rannsóknar á dauða hans.

Þá er talið að bráðabirgðastjórnin eigi eftir að lýsa yfir nýrri stjórn landsins í kvöld eða á morgun.

Í ræðu sinni í dag sagði Barack Obama Bandaríkjaforseti það bersýnilega hafa verið rétta ákvörðun að taka þátt í aðgerðum Nató í Líbíu.