Innlent

Salmonella í smygluðum andabringum: Mikilvægt að elda allt kjöt vel

Haraldur Briem sóttvarnalæknir.
Haraldur Briem sóttvarnalæknir.
Einstaklingarnir tveir sem smituðust af illvígri salmonellu í síðasta mánuði hafa náð sér að fullu, að sögn Haraldar Briem sóttvarnalæknis. Hann segir að fólkið hafi fengið meðferð sem gekk vel og ber enginn alvarlegan skaða af smitinu sem kom upp þegar fólkið snæddi smyglaðar andabringur frá Hollandi í fjölmennri veislu.

Alls veiktust átta veislugestir en aðeins tveir alvarlega. Landlæknisembættið hafði strax samband við heilbrigðisyfirvöld í Evrópusambandinu og lét vita af hinu smitaða kjöti en unnt var að rekja salmonelluna til kjötsins þar sem enn voru til nokkrar frystar bringur.

Haraldur vill brýna sérstaklega fyrir fólki að það sjóði og steiki allan mat vel, það gildi um innlent kjöt jafnt sem innflutt.


Tengdar fréttir

Borðuðu smyglað andakjöt: Átta veiktust og tveir alvarlega

Tveir einstaklingar greindust tveir með Salmonellu enteritidis í lok september hér á landi. Við nánari athugun kom í ljós að allir höfðu þeir tekið þátt í fjörutíu manna matarveislu þar sem hollenskar andabringur sem smyglað hafði verið til landsins voru á boðstólum. Þetta kemur fram á vef Landlæknisembættisins. Andabringurnar höfðu verið framreiddar vel rauðar og alls munu átta einstaklingar hafa veikst í veislunni. Frystar hráar bringur voru enn til þegar Landlæknir hóf rannsókn á málinu og því var hægt að staðfesta að þær voru sýktar af Salmonellu afbrigðinu sem um ræðir.

Mest lesið


Fleiri fréttir

Sjá meira


×

Mest lesið