Aspirnar fjarlægðar í Vonarstræti og Tjarnargötu

Vinna er hafin við að endurnýja trjágróður í Vonarstræti og Tjarnargötu. Í tilkynningu frá Reykjavíkurborg segir að Gráreynir, garðahlynur og skrautreynir munu leysa aspirnar sem þar hafa staðið af hólmi, en rætur þeirra hafa eyðilagt hellulagnir og hitalagnir. Hellulögnin í götunni verður einnig lagfærð. Nýju trén fá gott vaxtarrými, en gengið verður frá svokölluðu rótarburðarlagi undir hellulögðum svæðum þannig að rætur skemmi ekki út frá sér. Auk trjánna verða settir niður 540 krókusar sem blómstra snemma á vorin.  Verklok eru áætluð 25. nóvember.

„Valin hafa verið tré og runnar sem munu njóta sín vel miðborginni,“ segir ennfremur. „Í Vonarstræti  verður settur niður gráreynir og með honum kemur kirtilrifs sem undirgróður. Við Tjarnargötu verða gróðursett tré af tegundunum garðahlyn og skrautreyni, en japanskvistur verður notaður sem undirgróður. Auk trjánna verða settir niður 540 krókusar sem blómstra snemma á vorin.“

Verklok eru áætluð 25. nóvember