Ráðuneytisstarfsmenn í færri utanlandsferðir

Utanlandsferðum starfsmanna utanríkisráðuneytistins hefur fækkað um rúm 37% frá árinu 2007, úr. Þetta kom fram í svari utanríkisráðherra, Össurar Skarphéðinssonar, við fyrirspurn Vigdísar Hauksdóttur, alþingismanns, á Alþingi í dag.

Á árunum 2007 til 2010 fækkaði utanlandsferðum starfsmanna ráðuneytisins úr 537 í 336. Ráðherra leggur áherslu á að þrátt fyrir gengisfall krónunnar og ný verkefni ráðuneytisins, svo sem aðildarumsókna að ESB, hafi útgjöld vegna ferða starfsmanna ráðuneytisins lækkað á umræddu tímabili.

Útgjöldin má líta í meðfylgjandi töflu, námunduð að heilli milljón króna.

	2007	2008	2009	2010
Starfsfólk ráðuneytis	81 milljón	114 milljónir	71 milljón	80 milljónir
Sendiskrifstofur Íslands erlendis	16 milljónir	23 milljónir	15 milljónir	13 milljónir
Þróunarsamvinnu- stofnun	2 milljónir	2 milljónir	3 milljónir	4 milljónir
Varnarmálastofnun	0	1 milljón	2 milljónir	1 milljón

Í svarinu koma einnig fram tölur um fjölda ferðanna. Tölurnar getur að líta í meðfylgjandi töflu.