Innlent

Bensínstuldur olli eignaspjöllum

Reynt var að stela bensíni á flugvellinum á Hellu.
Reynt var að stela bensíni á flugvellinum á Hellu.
Eignaspjöll voru unnin á flugvellinum á Hellu þegar reynt var að stela þar bensíni um helgina. Þetta kemur fram í dagbók lögreglunnar á Hvolsvelli.



Annars var vikan róleg og góð hjá lögreglunni á Hvolsvelli. Hún greinir frá því að hraðamælingar muni fara þar fram daglega í sumar í samstarfi við ríkislögreglustjóra en 28 voru teknir fyrir of hraðan akstur í vikunni sem leið. Vonast er til að átakið leiði til fækkunar á slysum og telur lögreglan að árangur hafi þegar náðst þar sem engin slys urðu í vikunni.



Einn ökumaður var stöðvaður í umdæminu um helgina, grunaður um að hafa ekið undir áhrifum fíkniefna, og fær mál hans venjulega afgreiðslu en hann má búast við að missa ökuréttindi sín.

Mest lesið


Fleiri fréttir

Sjá meira


×

Mest lesið