Fundu tíu grömm af amfetamíni

Í gærkvöldi handtók lögreglan á Eskifirði ungan mann í Fjarðabyggð grunaðan um fíkniefnamisferli. Í fórum hans fundust fíkniefni.  Vegna rannsóknar málsins var maðurinn vistaður í fangageymslu í nótt og leiddur fyrir dómara í Héraðsdómi Austurlands í morgun þar sem gerð var karfa um húsleit á heimili mannsins, sem var samþykkt. 

Við leit á heimili mannsins naut lögreglan atbeina fíkniefnaleitarhunds undir stjórn yfirhundaþjálfara Ríkislögreglustjórans.  Um 10 gr. af amfetamíni og lítilræði af Maríhuana fannst við leitina. Maðurinn var eftir frekari yfirheyrslur látinn laus og telst málið upplýst, segir í tilkynningu frá lögreglu.