Skipverjar á Oddeyrinni óttast um eigin hag vegna kvótafrumvarps

Skipverjar á fjölveiðiskipinu Oddeyrinni EA segja í skeyti, að það sé með ólíkindum að hægt sé að fjall um útgerð og stuðla að hruni hennar í núverandi mynd, eins og engin einstaklingar eigi þar hlut að máli nema örfáir útgerðarmenn.

Þarna vísa sjómennirnir til kvótafrumvarpanna, sem nú liggja fyrir. Þeir benda á að rúmlega 30 fjölskyldur eigi allt sitt undir að Oddeyrin verði áfram gerð út í núverandi mynd, en óttast að svo verði ekki, ef frumvörpin ná fram að ganga.