Fjórir handteknir vegna dauðsfalls í Árbæ

Fjórir hafa verið handteknir vegna andláts rúmlega tvítugrar konu sem varð í íbúð í Árbænum í dag. Samkvæmt upplýsingum frá lögreglunni voru þeir kallaðir á vettvang um hádegisbilið. Endurlífgunartilraunir tókust ekki og var kona úrskurðuð látin í kjölfarið.

Lögreglan telur að andlát konunnar megi rekja til mengaðs amfetamíns sem hún neytti.

Málið er á byrjunarstigi. Það er ekki rannsakað sem morðmál að svo stöddu. Hinir handteknu eru í skýrslutökum en hugsanlega verður farið fram á gæsluvarðhald ef þörf þykir á.