Gaddafi: Þúsundir munu deyja ráðist Vesturlönd á Líbíu

Muammar Gaddafi einræðisherra Líbíu, segir að þúsundir muni deyja ákveði Vesturveldin að beita hervaldi til þess að koma sér frá völdum. Gaddafi lét þessi orð falla í ræðu sem hann hélt í dag fyrir stuðningsmenn sína í höfuðborginni Trípólí.

Hersveitir hans hófu í nótt gagnárás gegn uppreisnarhópum í austurhluta landsins og Gaddafi segir að hann og hans menn muni berjast til síðasta manns. Bandaríkjamenn hafa þegar flutt herafla sinn á svæðinu nær Líbíu og þær raddir sem vilja að Bandaríkin og NATO beiti sér í landinu verða æ háværari.