Missti stjórn á vélhjóli - grunaður um ölvun

Vélhjólamaður slasaðist alvarlega og missti nær meðvitund, þegar hann missti stjórn á hjóli sínu í hringtorginu á mótum Flatahrauns og Fjarðarhrauns í Hafnarfirði um klukkan hálf fjögur í nótt.

Hann ók upp á miðju torgsins, sem er töluvert upp hækkuð. Þar féll hann af hjólinu og kastaðist einhvern spöl  áður en hann nam staðar.

Hann var fluttur á slysadeild Landspítalans,  þar sem hann er enn. Hann er þó ekki talinn í lífshættu. Grunur leikur á að hann hafi ekið hjólinu undir áhrifum áfengis.