Innlent

Fáir vissu af tilraunum til að koma Icesave í dótturfélag

Gunnar Viðar, forstöðumaður lögfræðiráðgjafar Landsbankans, segir að afar fáir starfsmann bankans hafi vitað um viðræður Landsbankans og breska fjármálaeftirlitsins vegna yfirfærslu innæstæðna á Icesave-reikningum í Bretlandi í dótturfélag.

„Þetta voru taldar miklar trúnaðarupplýsingar fyrir bankann," sagði Gunnar Viðar þegar hann bar vitni í Héraðsdómi Reykjavíkur í morgun. Þar fer nú fram aðalmeðferð í máli ákæruvaldsins gegn Baldri Guðlaugssyni, fyrrverandi ráðuneytisstjóra fjármálaráðuneytisins, sem ákærður er fyrir innherjasvik.

Hluti ástæðunnar fyrir því að þessum upplýsingum hvar haldið í þröngum hópi var ótti um að áhlaup yrði gert á bankann ef þetta myndi spyrjast úr.

Regluvörður Landsbankans, Þórður Örlygsson, bar vitni á undan Gunnari Viðari. Þar sagðist hann ekki hafa verið nægjanlega upplýstur um stöðu mála til að sinna starfi sínu sem meðal annars fólst í að tilkynna um innherja til Kauphallar.

Saksóknari spurði Gunnar Viðar hvort regluvörður hafi haft nægjanlegar upplýsingar.

„Nú hreinlega veit ég það ekki. Hann hefur væntanlega fengið gögn. ... Hann verður eiginlega að svara því," sagði Gunnar Viðar. „Ég geri bara ráð fyrir að hann hafi haft fullnægjandi gögn til að meta þetta."

Þegar Gunnar Viðar var upplýstur um að regluvörður hafi á undan honum borið að hann hafi, eftir á að hyggja, ekki talið sig hafa nauðsynlegar upplýsingar. „Ég kann ekki að svara fyrir það. Matið liggur hjá honum," sagði Gunnar Viðar og sagðist gera ráð fyrir að regluvörðurinn hlyti að kalla eftir þeim upplýsingum sem hann þarf til að geta lagt mat á hvort um innherja er að ræða.

Saksóknari velti því upp hvort ekki hefði verið tilefni fyrir Gunnar Viðar til að hafa frumkvæði að því að upplýsa regluvörð um stöðu mála og hvort hann hefði haldið mikilvægum gögnum frá regluverði. „Þú spurðir mig hvort ég hefði haldið frá honum upplýsingum. Það gerði ég klárlega ekki," sagði Gunnar Viðar.

Hann sagðist ekki muna nákvæmlega eftir hvaða upplýsingum regluvörður kallaði og var ekki viss um að slíkar beiðnir hefðu endilega farið í gegn um hann sjálfan.

Engu að síður sagði Gunnar Viðar að það hafi lengi vel verið mikil óvissa um hvort af yfirfærslu innstæðnanna yrði. Þannig hafi þann 20. ágúst enn verið mögulegt að af þeim yrði alls ekki. Því hefði ekki verið tímabært að tala um yfirfærsluna sem staðreyndir á þeim tíma.


Tengdar fréttir

Ingimundur: Sagði víst frá Icesave-þaki á fundi samráðshópsins

Ingimundur Friðriksson, fyrrverandi Seðlabankastjóri, var fyrsta vitnið sem kom fyrir Héraðsdóm Reykjavíkur í morgun þegar aðalmeðferð í máli ákæruvaldsins gegn Baldri Guðlaugssyni, fyrrverandi ráðuneytisstjóra í fjármálaráðuneytinu, var haldið áfram.

Aðalmeðferð yfir Baldri hafin

Aðalmeðferð er hafin í máli ákæruvaldsins gegn Baldri Guðlaugssyni, fyrrverandi ráðuneytisstjóra í fjármálaráðuneytinu. Baldur er ákærður fyrir innherjasvik og brot í opinberu starfi, fyrir að hafa með ólögmætum hætti nýtt sér upplýsingar sem hann hafði, umfram aðra, þegar hann seldi hlutabréf sín í Landsbankanum fyrir um 192 milljónir króna.

Aðalmeðferð í máli Baldurs fram haldið á föstudag

Framhaldi aðalmeðferðar í máli ákæruvaldsins gegn Baldri Guðlaugssyni, fyrrverandi ráðuneytisstjóra fjármálaráðuneytisins, hefur verið frestað fram á föstudag. Skýrslutökur drógust mjög á langinn í dag, til að mynda gaf Baldur skýrslu í hálfa aðra klukkustund í stað áætlaðrar klukkustundar, og því var ákveðið að boða hluta þeirra fyrir dóm á föstudag sem bera áttu vitni í dag.

Ingimundur og Sigurjón kallaðir til vitnis í máli Baldurs

Aðalmeðferð verður fram haldið í máli gegn Baldri Guðlaugssyni fyrrverandi ráðuneytisstjóra í fjármálaráðuneytinu í dag. Baldur er ákærður fyrir innherjasvik þegar hann seldi hlutabréf sín í Landsbankanum rétt fyrir hrun en Baldur átti sæti í hópi sem fjallaði um fjármálastöðugleikann í aðdraganda hrunsins.

Baldri Guðlaugs leið "extra vel" þegar hann seldi bréfin

Baldur Guðlaugsson fyrrverandi ráðuneytisstjóri sagði fyrir dómi í morgun að sér hefði liðið "extra vel“ þegar hann seldi bréf sín í Landsbankanum hinn 17. september 2008 og sagðist viss um að hafa ekki búið yfir innherjaupplýsingum.

Regluverði Landsbankans haldið utan við raunverulegan gang mála

Þórður Örlygsson, regluvörður Landsbankans, fékk ófullnægjandi upplýsingar til að sinna starfi sínu sem skyldi í aðdraganda bankahrunsins haustið 2008. Meðal þess sem starf Þórðar fólst í var að fylgja reglum bankans um innherjaviðskipti. Hann var einn þeirra sem tilkynnti um hugsanlegar verðmyndandi upplýsingar til Kauphallar.

Rík áhersla lögð á trúnað á fundum samráðshópsins

Jónas Fr. Jónsson, fyrrverandi forstjóri Fjármálaeftirlitsins, segir að rík áhersla hafi verið lögð á trúnað um það sem fram fór á fundum samráðshóps um fjármálastöðugleika og viðbúnað fyrir bankahrunið 2008.

Framkvæmdastjóri SÍ sammála Bolla - taldi sig ekki geta selt bankabréf

Tryggvi Pálsson, framkvæmdastjóri fjármálasviðs Seðlabankans, taldi sig ekki geta átt viðskipti með hlutabréf sín í íslensku bönkunum, þar sem hann sat í samráðshópi um fjármálastöðugleika og viðbúnað, og hafði þar komist yfir trúnaðarupplýsingar um slæma stöðu bankanna.

Lykilfólk í hruninu ber vitni í Baldursmálinu

Ráðgert er að sjö manns beri vitni í Héraðsdómi Reykjavíkur í dag þar sem fram fer aðalmeðferð í máli ákæruvaldsins gegn Baldri Guðlaugssyni, fyrrverandi ráðuneytisstjóra fjármálaráðuneytisins.

Mest lesið


Fleiri fréttir

Sjá meira


×

Mest lesið