Alda Hrönn hefur kært frávísun vegna klúrra fúkyrða

Saksóknari efnahagsbrotadeildar Ríkislögreglustjóra hefur kært ákvörðun lögreglunnar um að vísa kæru hennar frá. Kæruna lagði hún fram vegna ummæla forvera hennar í starfi.

Alda Hrönn Jóhannsdóttir, settur saksóknari efnahagsbrotadeildar Ríkislögreglustjóra, lagði í lok janúar fram kæru á hendur forvera sínum í starfi, Helga Magnúsi Gunnarssyni.

Helgi Magnús var í haust skipaður varasaksóknari í Landsdómsmáli gegn Geir H. Haarde, en Alda Hrönn telur að Helgi hafi verið með ærumeiðingar í sinn garð, þegar hann á að hafa haft um sig klúr fúkyrði í samtali við annan embættismann.

Lögreglan á höfuðborgarsvæðinu vísaði kærunni hins vegar frá um miðjan febrúar þar sem ekki þótti tilefni til að hefja lögreglurannsókn vegna þessa.

Alda hafði frest fram í miðjan mars mánuð til að kæra þá ákvörðun. Valtýr Sigurðsson, ríkissaksóknari staðfestir að Alda hafi kært frávísunina. Hann segir að eðli málsins samkvæmt verði reynt að hraða málinu.