Samstaða um sameiningu embætta

Samstaða er hjá ríkislögreglustjóra, sérstökum saksóknara og ríkissaksóknara um að sameina efnahagsbrotadeild og embætti sérstaks saksóknara.

Ríkislögreglustjóri segir í tilkynningu að hann hafi um árabil bent á að móta þurfi framtíðarfyrirkomulag rannsókna og ákærumeðferðar í skatta- og efnahagsbrotamálum og haft frumkvæði að umræðu um stöðu málaflokksins og hvernig efla megi hann og skipuleggja.

Ríkissaksóknari segir að horft sé til fyrirkomulags þessara mála í Noregi í því skyni að gera þennan málaflokk einfaldari og skilvirkari.