Eigendur farmsins greiða fyrir tjónið

Eigendur allra verðmæta sem í húfi voru þegar Goðafoss strandaði greiða sameiginlega þann kostnað sem af atvikinu hlýst. Þeir sem eru með farmtryggingu verða ekki fyrir tjóni. Þetta kemur fram í tilkynningu sem Eimskip sendi frá sér í dag.

Þar kemur fram að Eimskip hefur þegar sent bréf til allra farmeigenda sem málið varðar, með frekari útskýringum. Til að flýta fyrir afgreiðslu á farmi til eigenda hefur Eimskip lagt fram tryggingu til handa björgunaðilum.

Tryggingin er ákvörðuð af björgunaraðilum, sem Eimskip tekur að sér að innheimta fyrir þeirra hönd, eftir því sem fram kemur í fréttatilkynningu frá Ólafi William Hand, upplýsingafulltrúa Eimskips.