Sjómaður drukknaði í gærkvöldi

Grænlenskur sjómaður af grænlensku loðnuveiðiskipi drukknaði, eftir að hann féll fyrir borð í vonsku veðri út af Malarrifi á Snæfellsnesi í gærkvöldi.

Skipstjórinn óskaði þegar eftir aðstoð þyrlu Landhelgisgæslunnar, en svo vel vildi til að önnur þyrlan var við æfingar fyrir vestan og hin var send frá Reykjavík.

Áhöfn annarrar þyrlunnar tóks við mjög erfiðar aðstæður að ná sjómanninum um borð í þyrluna, en hann var úrskurðaður látinn skömmu síðar.

Skipið, sem er mannað Íslendingum og Grænlendingum, kom til Helguvíkur í nótt og er lögreglan á Suðrunesjum að taka skýrslu af áhöfninni.