Meintur hrotti áfram í gæsluvarðhaldi

Gæsluvarðhaldsúrskurð yfir hrotta sem grunaður er um að hafa gengið í skrokk á 64 ára gömlum manni, eiginkonu hans og dóttur við heimili þeirra í Reykjanesbæ þann 3. maí síðastliðinn, var framlengdur til 7. júlí. Hæstiréttur staðfesti úrskurðinn í dag. Með honum var annar maður.

Í úrskurði Héraðsdóms Reykjaness segir að árásin hafi átt sér stað þegar dóttir mannsins var að festa sex vikna gamalt barn í barnastól í bifreið sinni. Mennirnir handleggsbrutu 64 ára gamla manninn en tilgangur þeirra var að finna barnabarn hans og ná út úr honum fé.

Mennirnir voru handteknir stuttu síðar. Annar þeirra reyndist vera með hníf auk þess sem hann var vopnaður öxi og hamri.

Mennirnir sem um ræðir eru þeir sömu og réðust inn á heimili aldraðs úrasmiðs á Barðaströndinni á síðasta ári. Hinn maðurinn er einnig í gæsluvarðhaldi.