Öflugir íþróttamenn á Seltjarnarnesi

Nokkrir nemendur úr 10. bekk Valhúsaskóla gómuðu í dag skæðan úlpuþjóf sem hefur stundað það að koma í skólann og stela úlpum af nemendum. „Það eru miklir íþróttamenn á Seltjarnarnesi. Þeir stökkva bara af stað og fara létt með þetta," segir Guðlaug Sturlaugsdóttir, skólastjóri Valhúsaskóla.

„Það tvær stúlkur keyrandi að skólanum, fóru inn í skólann og ætluðu að ná sér í úlpur og voru byrjaðar að máta. Einn drengur sá þær og kallaði eftir aðstoð og fleiri komu að. Þegar aðstoðarskólastjórinn kom niður kallaði hann til þeirra og þær hlupu út," segir Guðlaug.

En þá var ballið rétt að byrja. Nokkrir nemendur úr 10. bekk þutu á eftir þjófnum, hlupu hana uppi og héldu henni þar til lögreglan mætti á svæðið. Áður en lögreglan kom reyndi hún allt sem hún gat til að losna úr prísund nemdandanna. Hún hótaði þeim öllu illu en þegar það gekk ekki bauð hún þeim 50 þúsund krónur gegn því að þeir létu hana lausa, en allt kom fyrir ekki. Enda er þetta í fyrsta skipti sem þessi þjófur hrellir nemendur í valhúsaskóla

„Nei, þetta er sama stúlka kom á mánudaginn og tók fimm úlpur. Hún kom aftur og aftur og lét eins og hún væri einn af nemendunum. Eftir þá uppákomu sýndum við börnunum mynd af stúlkunni."

Þá segir Guðlaug: „Þau hafa verið vör um sig og þetta er viss nágrannavarsla."