Slóðaskapur kostaði útkall

Óttast var um afdrif dragnótabáts með sjö manna áhöfn um miðnætti í gærkvöldi og var björgunarskip frá Vestmananeyjum kallað út.

Þyrla Landhelgisgæslunnar var um það bil að leggja af stað, þegar samband náðist loks við bátinn og í ljós kom að engin hætta var á ferð.

Sjálfvirkur fjareftirlitsbúnaður hafði bilað í bátnum en skipverjar ætluðu að láta vita af sér á tilteknum tíma. Það fórst fyrir og því hófst undirbúningur að leit með tilheyrandi fyrirhöfn og kostnaði, sem komist hefði verið hjá, ef skipstjóri heðfi sinnt skyldum sínum.