Telur að Álfheiður verði atvinnuvegaráðherra

Vigdís Hauksdóttir, þingmaður Framsóknarflokksins, telur að búið sé að ganga frá því að Álfheiður Ingadóttir, þingmaður VG og fyrrverandi heilbrigðisráðherra, verði atvinnuvegaráðherra þegar iðnaðar- og sjávarútvegs- og landbúnaðarráðuneytið verða sameinuð um næstu áramót. Vigdís segir að ef svo væri ekki hefði Álfheiður aldrei gefið ráðherrastól sinn svo auðveldlega eftir.

„Skil ekki hví fjölmiðlar hafa ekki kveikt á hinu augljósa. Álfheiður hefði ekki farið í svo miklum friði nema að vera trygg í nýtt atvinnuráðuneyti um áramótin," segir Vigdís á heimasíðu sinni. „Steingrímur hefur nánast sagt það berum orðum - að kynjahlutföll verði jöfnuð í næstu umferð. Meira að segja biðst hann afsökunar á „ójafnvægi í kynjastjórn við ríkisstjórnarborðið.““