Ók yfir kant og ofan á bíl

Óvenjuleg sjón blasti við íbúum í Engjaseli í Reykjavík í morgun þegar í ljós kom að bíl hafði verið ekið yfir kant sem staðnæmst ofan á bíl á bílastæðinu.

„Það hefur væntanlega einhver verið að koma heim í morgun sem ók yfir kantinn og upp á næsta bíl. Viðkomandi hlýtur að hafa verið skemmta sér því ég get ekki ímyndað mér að ódrukkinn einstaklingur hafi verið undir stýri," segir Árni Björnsson, íbúa í Engjaseli.

Hann veit ekki til þess að slys hafi orðið á fólki. Árni segir til þess að komast yfir kantinn sé ljóst að bílnum hafi verið ekið á miklum hraða.

Aðilar frá tryggingarfélögum komu á staðinn í morgun.