Skemmdirnar óafturkræfar

„Ég er ekki viss um að fólk átti sig á því að það er verið að eyðileggja varanlega Alþingshúsið, sem er þjóðargersemi,“ segir Ásta Ragnheiður Jóhannesdóttir, forseti Alþingis.

Hún segir háþrýstiþvott sem grípa þurfi til vegna matvæla sem kastað sé á þinghúsið ganga afar nærri íslenska grágrýtinu sem húsið var hlaðið úr árið 1881. Steinninn molni undan þvottinum, og ekki sé hægt að gera við þann skaða á friðlýstu húsinu.

„Það er sjálfsagt að mótmæla, en þetta hús er okkar sameign, og ég bið fólk um að virða það og láta húsið í friði,“ segir Ásta.- bj