Bílstjórinn látinn

Maðurinn sem var fluttur með þyrlu til Reykjavíkur eftir alvarlegt umferðarslys í Langadal í gærkvöldi er látinn. Samkvæmt vakthafandi lækni á slysadeild Landspítlans var maðurinn úrskurðaður látinn skömmu eftir komuna á spítalann. Hann var á fertugsaldri.

Samkvæmt tilkynningu frá Fjarskiptamiðstöð ríkislögreglustjóra varð slysið með þeim hætti að tveir flutningabílar sem voru að koma úr gagnstæðri átt skullu saman skammt austan við Ártún í Húnavatnssýslu. Tengivagn annars bílsins mun hafa farið yfir á öfugan vegarhelming.

Slysið var á sjötta tímanum í gærkvöldi og var þjóðvegur eitt um Langadal lokaður í alla nótt. Hann var opnaður til vesturs um klukkan hálf sjö í morgun þá stóð til að opna hann til austurs klukkan rúmlega sjö.