500 manns búnir að kjósa í prófkjöri í Mosfellsbæ

Um fimmhundruð manns eru búnir að kjósa í prófkjöri Sjálfstæðismanna í Mosfellsbæ að sögn Elísabetar S. Ólafsdóttur, formanns fulltrúaráðs Sjálfstæðisflokksins.

Síðast var prófkjör flokksins haldið í Mosfellsbæ fyrir átta árum síðan og því ekki hægt að fá sambærilegar tölur.

Elísabet segir kjörsókn góða og framkvæmd prófkjörsins hafi gengið mjög vel.

„Við erum bara hress og góð," segir Elísabet en úrslit prófkjörsins verða tilkynnt fyrir klukkan tíu í kvöld. Lokatölur verða eingöngu birtar.

Fimmtán einstaklingar gefa kost á sér í prófkjörinu.