Svandís lýsir sig vanhæfa

Svandísar Svavarsdóttur umhverfisráðherra hefur lýst sig vanhæfa til að fjalla um aðalskipulag Ölfuss 2002-2014, sem tekur meðal annars til Bitruvirkjunar. Það gerir hún vegna ummæla um Bitruvirkjun sem hún hefur látið falla á vettvangi borgarstjórnar Reykjavíkur og stjórnar Orkuveitu Reykjavíkur.

Hún sat sem borgarfulltrúi í Reykjavík á árunum 2006 til 2009 og í stjórn Orkuveitu Reykjavíkur á árunum 2007 til 2009. Í tilkynningu segir að þar hafi hún tjáð sig um skoðun sína á Bitruvirkjun með afgerandi hætti. „Það er því niðurstaða umhverfisráðherra að draga megi í efa stjórnsýslulegt hæfi hans til að taka afstöðu til skipulagstillögu Ölfuss með vísan til hæfisreglna stórnsýsluréttarins."

Guðbjartur Hannesson, heilbrigðisráðherra, hefur verið settur umhverfisráðherra í málinu.