Lúðvík Geirsson áfram bæjarstjóri

Samkomulag um myndun nýs meirihluta í bæjarstjórn Hafnarfjarðar milli Samfylkingar og Vinstri hreyfingarinnar græns framboðs var staðfest á fundum flokkanna í kvöld.

Núverandi bæjarstjóri Lúðvík Geirsson mun gegna því embætti fram til júní 2012. Hann náði ekki kjör sem bæjarfulltrúi í nýliðnum kosningum. Að því tímabili loknu mun oddviti Vinstri hreyfingarinnar græns framboðs, Guðrún Ágústa Guðmundsdóttir taka við embætti bæjarstjóra út kjörtímabilið.

Málefnasamningur flokkanna var samþykktur og verkefnaskrá til næstu fjögurra ára auk samkomulags um skipan í kjörin embætti á kjörtímabilinu.

Yfirskrift málefnasamnings Samfylkingar og Vinstri hreyfingarinnar græns framboðs í Hafnarfirði er: Velferð, lýðræði, atvinna og umhverfi fyrir fólkið í Firðinum.