Starfsmaður á meðferðarheimili dæmdur í 2 1/2 árs fangelsi fyrir kynferðisbrot

Fyrrverandi starfsmaður á meðferðarheimilinu Árbót í Aðaldal hefur verið dæmdur í tveggja og hálfs árs fangelsi fyrir kynferðisbrot gegn tveimur stúlkum sem vistaðar voru á heimilinu.

Manninum var gert að sök að hafa misnotað tvær unglingsstúlkur kynferðislega í hitteðfyrra á meðan hann var starfsmaður á heimilinu. Stúlkurnar voru þá um sextán ára. Hann hafði áður verið kærður fyrir sama mál en ekki var ákært í málinu þá þar sem framburður stúlknanna stangaðist á. Maðurinn neitaði sök og var málið því fellt niður.

Maðurinn var í kjölfarið fluttur á annað meðferðarheimili. Þar starfaði hann þangað til það var lagt niður. Maðurinn hóf svo aftur störf á meðferðarheimilinu í Aðaldal.

Þá sakaði þriðja stúlkan hann um að hafa beitt sig kynferðislegu ofbeldi. Lögreglan hóf rannsókn. Að lokum var gefin út ákæra á hendur manninum. Maðurinn var ákærður fyrir að misnota tvær stúlkur. Ásökunum þeirra þriðju var vísað frá.

Dómurinn var kveðinn upp við Héraðsdóm Norðurlands eystra.