Erfitt fyrir Ísland að semja

Forysta Evrópusambandsins gerir sér grein fyrir að erftitt verði að ná samningum við Íslendinga um sjávarútvegsmál í aðildarviðræðunum sem eru framundan. Efnahagsmál Evrópu áttu hug ráðamanna og fréttamanna á leiðtogafundi sambandsins.

Það horfir þunglega í efnahagsmálum margra Evrópusambandsríkja og fyrir fundinn var uppi orðrómur um að Spánn væri í sérstökum vanda. José Luis Rodrígues Zpatero foræstisráðherra Spánar sem nú fer með forsæti í Evrópusambandinu gerði hins vegar lítið úr þeim orðrómi á fundinum og sagði leiðtogafundinn hafa samþykkt að fara leið Spánverja með því að setja fjármálastofnanir allra aðildarríkjanna í áreynslupróf.

Niðurstöður þessara áreynsluprófa eiga að liggja fyrir í sumar og segjast leiðtogar sambandsins sannfærðir um að þær aðgerðir sem ákveðið hafi verið að grípa til í efnahagsmálum muni styrkja stöðu aðildarríkjanna. Það var einnig tilkynnt á fundinum að Eistland hefði uppfyllt öll skilyrði til upptöku evrunnar en þar í landni telja ráðamenn að upptaka hennar muni styrkja stöðu landsins, sem er með lítnn gjaldmiðil eins og Íslendingar.

Angela Filote talsmaður stækkunarstjóra Evrópusambandsins sagði á fréttamannafundi í Brussel á föstudag, að almennt væri gengið út frá því að ný aðildarriki tækju regluverk sambandsins upp í heilu lagi. En á næstu mánuðum yrði farið í að kortleggja mismun í löggjöf Íslands og Evrópusambandsins.

Meðal þekktra fréttamanna sem fylgdust með fundinum var Adam Bolton pólitískur fréttaskýrandi Sky fréttastofunnar, en hann fylgdist m.a. með leiðtogafundinu Reagns og Gorbatsjofs á íslandi árið 1986. Á bilinu sex hundruð til eitt þúsund frétta- og myndatökumenn voru á fundinum. Enginn íslenskur ráðamaður var þar til svara vegna aðildarumsóknarinnar og kom það í hlut Stefáns Hauks Jóhannessonar formanns samninganefndar Íslands og sendiherra að svara fyrir Íslands hönd. Það dugði þó ekki öllum fréttamönnum og lenti undirritaður í nokkrum viðtölum til að skýra út stöðu mála á Íslandi.