Nefnd rannsaki Icesave-málið

Þingmenn Sjálfstæðisflokksins hafa lagt fram þings­ályktunartillögu um skipan rannsóknarnefndar sem rannsaki embættisfærslur og ákvarðanir íslenskra stjórnvalda og samskipti þeirra við bresk og hollensk stjórnvöld vegna Icesave-málsins.

Nefndinni er ætlað að leggja mat á hvort einstakir ráðherrar, eða embættismenn á þeirra vegum, hafi fylgt lagareglum, brotið starfsreglur eða gerst sekir um mistök eða vanrækslu í hagsmunagæslu. Nefndin fái allar þær rannsóknarheimildir í hendur sem henni eru nauðsynlegar og skili af sér eigi síðar en 1. janúar 2011.