VG í Reykjavík með jafn mikla kjörsókn og Sjálfstæðisflokkurinn

Af þeim 2800 einstaklingum sem eru skráðir í Vinstri græna í Reykjavík kusu þúsund í forvali flokksins sem haldið var í dag. Það gera tæplega 36 prósent.

Engu að síður sló flokkurinn persónulegt met en aldrei hafa jafn margir kosið í forvali Vinstri grænna í Reykjavík. Þess má geta að kjörsókn nú er jafn mikil og í forvali flokksins fyrir Alþingiskosningar.

En kjörsókn VG er í samræmi við kjörsókn annarra flokka í Reykjavík þó hún sé hlutfallslega minni. Þannig var 34 prósentu kjörsókn í prófkjöri Samfylkingarinnar í lok janúar. Atkvæði í prófkjörinu greiddu 2656 en 7874 voru á kjörskrá.

Á kjörskrá Sjálfstæðisflokksins í Reykjavík voru 19.715 manns. Atkvæði greiddu 7.173 en gild atkvæði voru 6.847. Ógild atkvæði og auð voru 317. Kjörsókn var því um 36 prósent.