Íslensk fjölskylda hélt jól með Obama

Íslensk kona, Arnheiður Hlín Guðmundsdóttir, maður hennar og tvö börn hittu Barack Obama, forseta Bandaríkjanna, og eiginkonu hans á Hawaí um helgina. Þar var haldið jólahlaðborð fyrir bandaríska hermenn sem eru starfandi á Hawaí en eiginmaður Arnheiðar er bandarískur og starfar fyrir herinn á Hawaí.

Fjölskyldan er því búsett á Hawaí þessi misserin. Eins og sést á þessari mynd af vef Hvíta hússins hefur farið vel á með forsetafrúnni, Michelle Obama, og börnum Arnheiðar þar sem þau stilltu sér upp í myndatöku fyrir móðurina.