Innlent

Bróðir Eldu á lífi

Elda ásamt Methúsalem eiginmanni sínum.
Elda ásamt Methúsalem eiginmanni sínum.

Elda Þórisson Faurelien, sem kom hingað til lands frá Haííti fyrir fjórum árum, hefur fengið jákvæðar fréttir af fjölskyldu sinni. „Arnold bróðir Eldu, sonur hans og tvær frænkur eru á lífi. Önnur frænkan er slösuð en aðrir eru ómeiddir," segir Methúsalem Þórisson eiginmaður hennar.

Elda og Methúsalem eiga og reka kaffihúsið Café D"Haítí við Tryggvagötu í Reykjavík. Þau kynntust þegar hann var við störf á Haítí og fluttust til Íslands fyrir tæpum fjórum árum.

Eftir skjálftann beið Elda milli vonar og ótta eftir fréttum af afdrifum fjölskyldu sinnar og vina í höfuðborginni Port au Prince. Í fyrradag fékk hún fréttir af einum vini sínum en nú hefur hún einnig fengið fréttir af bróður sínum og fjölskyldu hans. „Það ótrúlega er að húsið hans er í lagi. Það er í Delmas sem er í útjaðri Port au Prince," segir Methúsalem.

„Elda og ég sendum öllum sem hafa sýnt samhug okkar bestu kveðjur og innilegt þakklæti. Nú erum við vonbetri um að fá fleiri góðar fréttir," segir Methúsalem.


Tengdar fréttir

Bíður milli vonar og ótta eftir fréttum

Elda Þórisson Faurelien talaði í síma við frænda sinn í Port-au-Prince klukkustund áður en jarðskjálftinn reið yfir í fyrrakvöld. Síðan hefur hún ekki heyrt af afdrifum hans, annars skyldfólks – þar á meðal bróður og fjölskyldu hans – né vina í borginni. Sama á við um starfsfólk og nemendur barnaskóla sem Elda stofnaði ásamt fleirum fyrir nokkrum árum. Látlausar tilraunir hennar í gær til að fá fréttir af sínu fólki báru ekki árangur.

Enn ekki fengið neinar fréttir af fólkinu sínu

Elda Þórisson Faurelien hefur enn ekki fengið nokkrar fréttir af ástvinum sínum á Haítí eftir skjálftann í fyrradag. Hún fylgist grannt með á Netinu, á facebook og twitter, auk þess að fylgjast með fjölmiðlum. Methúsalem Þórisson, eiginmaður hennar, segir þó að hingað til hafi hvorki spurst til fjölskyldu né vina.

Vinur Eldu á lífi í Haítí

Elda Þórisson Faurelien, sem kom hingað frá Haííti fyrir fjórum árum, hefur fengið fréttir af einum vini sínum, að sögn Methúsalems Þórissonar, eiginmanns hennar.

Mest lesið


Fleiri fréttir

Sjá meira


×

Mest lesið