Persónuöryggi tryggt í könnun hjá Landspítalanum

Dræm þátttaka hefur verið í könnun Landspítalans meðal starfsmanna sinna á svarfsumhverfinu. Ástæða þessa virðist vera sú að starfsmenn óttast að hægt sé að rekja svörin til þeirra persónulega og þau mögulega lagst illa í yfirmenn.

Björn Zoega, forstjóri Landspítalans, gerir könnunina að umtalsefni í nýjasta pistli sínum. Hann fullvissar starfsfólk þar um að áhyggjurnar ástæðulausar.

„Margir starfsmenn virðast óttast að hægt sé að rekja svör þeirra þar sem falast er eftir upplýsingum um svið, deild, starfsheiti og stéttarfélag. Þessi ótti er sagður einna mestur þegar beðið er um ítarlegt mat á næsta yfirmanni. Þetta eru vel skiljanlegar áhyggjur en með öllu óþarfar.

Björn segir að sá hópur sem stýri þessari könnun innan spítalans vinnur í samræmi við strangar reglur og leyfi frá Persónuvernd um meðhöndlun upplýsinga og hefur þess utan sett sér mjög skýrar leiðbeiningar um úrvinnslu upplýsinganna, ekki síst um mat á stjórnendum.

Könnunin stendur út næstu viku og hvetur Björn starfsfólk til að taka þátt til að hægt sé að fá sem gleggsta mynd af upplifum starfsfólks á starfsumhverfinu.