Innlent

Hending réði því að fyrrverandi kærasta lifði af

Valur Grettisson skrifar
Árásin átti sér stað í Hveragerði.
Árásin átti sér stað í Hveragerði.

Hæstiréttur staðfesti í dag gæsluvarðhaldi yfir karlmanni á fertugsaldri sem réðst inn á heimili fyrrverandi unnustu sinnar í Hveragerði um helgina.

Maðurinn er grunaður um að hafa veitt henni alvarlega höfuðáverka með hnúajárni en lögreglan lýsir því að herbergið sem konan var í þegar lögreglan mætti á vettvang, hafi verið alblóðugt.

Í niðurstöðu Héraðsdóms Suðurlands segir að það sé ljóst af ummerkjum á vettvangi að um hrottafengna árás hafi verið að ræða. Þá hafi hending ein ráðið því að ekki hlaust mannsbani af árásinni.

Maðurinn var handtekinn við Rauðavatn eftir árásina. Þá var hann í blóðugri peysu.

Maðurinn verður í gæsluvarðhaldi til 5. október en brotið sem hann er sakaður um getur varðað allt að 16 ára fangelsi.

Tengd skjöl



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.