Sex gefa kost á sér hjá Samfylkingunni í Árborg

Sex frambjóðendur gefa kost á sér í forvali Samfylkingarinnar í Árborg, fyrir komandi bæjarstjórnarkosningar.







Þau eru:

Anna Guðmundsdóttir ráðgjafi í Íslandsbanka

Arna Ír Gunnarsdóttir sviðsstjóri á Svæðisskrifstofu fatlaðra

Eggert Valur Guðmundsson framkvæmdastjóri og varabæjarfulltrúi

Gylfi Þorkelsson kennari og bæjarfulltrúi

Kjartan Ólason framhaldsskólakennari

Ragnheiður Hergeirsdóttir bæjarstjóri og bæjarfulltrúi

Kosning fer fram þann 20. febrúar næstkomandi og verður niðurstaða þess bindandi fyrir fjögur efstu sæti framboðslistans. Kosningarétt hafa allir félagar í Samfylkingunni sem búsettir eru í Árborg og getur fólk gengið í Samfylkinguna alveg fram á kjördag.

Þrír sameiginlegir framboðsfundir verða haldnir til kynningar á frambjóðendum. Þeir verða á Eyrarbakka 16. febrúar, á Stokkseyri 17. febrúar og á Selfossi 18. febrúar.