Níðingspresturinn starfaði við trúboð

Presturinn sem játað hefur á sig kynferðisbrot starfaði fyrir Samband íslenskra kristniboðsfélaga. Á vef sambandsins segir að 23. ágúst hafi því borist erindi þar sem fram komu ásakanir á hendur fyrrverandi starfsmanni og sjálfboðaliða sambandsins.

Forsvarsmenn sambandsins héldu daginn eftir á fund fagráðs þjóðkirkjunnar um meðferð kynferðisbrota. Fagráðinu var falin frekari umsjón málsins og samstarfsfélögum sambandsins erlendis tilkynnt um málið.

Presturinn var í framhaldinu kallaður á fund fagráðsins þar sem hann játaði brot sín.