Reyna að ná samkomulagi um rekstur Sólheima

Nú stendur yfir fundur stjórnar Sólheima á Grímsnesi með forsvarsmönnum Sveitarfélagsins Árborgar en á fundinum verður reynt að ná samkomulagi um áframhaldandi rekstur Sólheima.

Stjórn Sólheima lýsti því yfir fyrr í þessum mánuði að rekstrinum yrði hætt þar sem fjárveiting væri ekki tryggð. Stjórnin er ennfremur ósátt við yfirfærslu á málefnum fatlaðra frá ríki til sveitarfélaga. Fulltrúar Árborgar og heilbrigðisráðherra hafa hins vegar lýst því yfir að yfirfærslan eigi ekki að hafa áhrif á fjárveitingar til reksturs Sólheima.