Ríkisráðsfundur á Bessastöðum - 20 mál sett á oddinn

Ríkisráðsfundur hófst á Bessastöðum klukkan hálftólf þar sem ný ráðherraskipan verður kynnt. Ögmundur Jónasson kemur að nýju inn í ríkisstjórn og Guðbjartur Hannesson kemur nýr inn. Þá verður Árni Páll Árnason ráðherra Efnahags- og viðskiptamála og utanþingsráðherrarnir Gylfi Magnússon og Ragna Árnadóttir hverfa á braut.

Ríkisstjórnin leggur upp með tuttugu mál sem sett verða á oddinn í vetur og er þeim lýst í sérstakri yfirlýsingu sem formenn stjórnarflokkanna hafa sent frá sér. Áfram á að vinna að því að koma á stöðugleika á vinnumarkaði og áfram skal stefnt að samstarfi við hagsmunaaðila.

Þá hefur verið ákveðið að efna til þjóðaratkvæðagreiðslu um kvótakerfið níst ekki samkomulag um ný lög um stjórnun fiskveiða. Sáttanefnd í málinu á að skila niðurstöðum sínum í dag eða á morgun.

Einnig skal einnig stefnt að því að skapa heildstæða orkustefnu.

Yfirlýsingu Jóhönnu og Steingríms má sjá hér.