Foreldrar safna fyrir börnin sín

Flestir sveitarstjórnamenn á landinu hafa þurft að halda að sér höndum eftir að bankahrunið varð með öllum þeim erfiðleikum sem það hefur í för með sér fyrir rekstur sveitarfélaganna. Þetta hefur meðal annars haft í för með sér að skólastjórnendur hafa haft minni tækifæri en ella til að fjárfesta í nýjum tækjakosti fyrir skólana.

Foreldrar barna í Hofsstaðaskóla í Garðabæ hafa ákveðið að láta þetta ekki á sig fá og efna til nytjamarkaðar í skólanum í dag til að hægt verði að kaupa gagnvirkar skólatöflur. Það eru snertitöflur sem þjóna bæði tilgangi hefðbundinnar skólatöflu, myndvarpa og gagnvirks tölvuskjás.

Markaðurinn fer fram í dag í skólanum milli klukkan ellefu og fimm.