Andrea náði fyrsta sætinu í forvali VG á Akureyri

Andrea Hjálmarsdóttir, kennari við Háskólann á Akureyri náði fyrsta sætinu í forvali Vinstri grænna þar í bæ og skaut þar bæjarfulltrúann Baldvin H. Sigurðsson ref fyrir rass en hann sækist einnig eftir fyrsta sætinu. Baldvin er í þriðja sæti þessa stundina en í öðru sæti er Edward Huijbens.

Talin hafa verið 223 atkvæði á Akureyri af 434.

Enn geta atkvæði átt eftir að berast í póstkosningu og verða lokatölur ekki kynntar fyrr en á þriðjudag. Staðan núna er hins vegar svo:

1. sæti: Andrea Hjálmsdóttir 124

2. sæti. Edward Huijbens 123

3. sæti Baldvin H Sigurðsson 115

4. sæti Dýrleif Skjóldal 96

5. sæti Kristín Sigfúsdóttir 135

6. sæti Sóley Björk Stefánsdóttir 140

Kosið er um efstu 6 sætin en næstu sæti raðast svo:

7. Daði Arnar Sigmarsson 134

8. Auður Jónasdóttir 183

9. Guðmundur H Helgason 102