Hálkublettir á Vesturlandi

Á Vesturlandi eru hálkublettir í Borgarfirði, á Bröttubrekku og víða á Snæfellsnesi. Á Vestfjörðum er hálka á Steingrímsfjarðarheiði og yfir Þröskulda einnig er hálka á Óshlíð og Súðavíkurhlíð. Hálkublettir eru á flestum öðrum leiðum.

Hálkublettir eru nokkuð víða á Norðurlandi vestra en hálka er á Öxnadalsheiði og áfram meira og minna austur yfir Mývatnsöræfi. Hálkublettir eru á Víkurskarði. Á Austurlandi er snjóþekja á Vopnafjarðarheiði, á Fjarðarheiði og í kringum Egilsstaði. Hálka er á Möðrudalsöræfum og Oddskarði. Á öðrum leiðum er snjóþekja eða hálkublettir.