Góð þátttaka í prófkjöri Sjálfstæðisflokksins í Garðabæ

Mikil þátttaka var í prófkjöri Sjálfstæðismanna í Garðabæ í dag en alls kusu 1700 manns.

Bæjarfulltrúinn Erling Ásgeirsson hafnaði í fyrsta sæti en engin kona vermir fjögur efstu sætin. Áslaug Hulda Jónsdóttir náði hinsvegar fimmta sætinu.

Atkvæði greiddu 1.651. Gild atkvæði voru 1.623. Auðir seðlar og ógildir voru 27.

Niðurstaða prófkjörsins var þessi:

1. Erling Ásgeirsson með 767 atkvæði í 1. sæti

2. Páll Hilmarsson með 797 atkvæði í 1.-2. sæti

3. Stefán Konráðsson með 769 atkvæði í 1.-3. sæti

4. Sturla Þorsteinsson með 977 atkvæði í 1.-4. sæti

5. Áslaug Hulda Jónsdóttir með 977 atkvæði í 1.-5. sæti

6. Ragný Þóra Guðjohnsen með 846 atkvæði í 1.-6. sæti

7. Sigurður Guðmundsson með 974 atkvæði í 1.-7. sæti