Köstuðu vatni úr Tjörninni yfir Alþingi

Hópur mótmælenda létu vatnsfötur ganga frá Tjörninni að Alþingishúsinu og köstuðu yfir það vatni í hádeginu í dag.

Helga Þórðardóttir, oddviti Frjálslynda flokksins í Reykjavík og var meðal mótmælenda, segir að Alþingi þurfi að standa í lappirnar svo að vatnið verði ekki einkavætt. „Vatnið verður ein dýrmætasta auðlindin í framtíðinni," segir hún.

Hún segir að íslenskir ráðherrar séu í raun millistjórnendur hjá Alþjóðagjaldeyrissjóðnum, sem stjórni landinu.

„Saga Alþjóðagjaldeyrissjóðsins sýnir okkur að þeir vilja einkavæða auðlindir landsins," segir Helga.

Hún segir að í skýrslu Alþjóðagjaldeyrissjóðsins frá 20. apríl sé kvartað yfir hve hægt gangi að einkavæða auðlyndir Íslendinga.

Mótmælendur voru um 40-50, að sögn Helgu.