Skipulagsbreytingum vegna neðri Þjórsár synjað staðfestingar

Umhverfisráðherra hefur synjað staðfestingar á skipulagsbreytingum varðandi virkjanir í neðri Þjórsá en í úrskurðum ráðuneytisins segir að þátttaka Landsvirkjunar í kostnaði sveitarfélaga við skipulagsvinnu stangist á við skipulags- og byggingarlög.

Um tvær tillögur eru að ræða. Annarsvegar breytingar á aðalskipulags Skeiða- og Gnúpverjahrepps og svo aðalskipulagi Flóahrepps fyrir árin 2006 til 2018. Ráðuneytið hafnar alfarið að staðfesta fyrra skipulagið en samþykkir það síðara fyrir utan það sem snýr að virkjunum í Þjórsá.