Innlent

Gítargrip og Gogoyoko í samstarf

Nýr vefur Gítargrip.is fór í loftið um helgina.
Nýr vefur Gítargrip.is fór í loftið um helgina.
Tónlistarveitan Gogoyoko hefur hafið samstarf við Gítargrip.is. Notendur Gítargrip.is munu geta streymt tónlist frá Gogoyoko á meðan þeir spila með á eigin hljóðfæri.

Þetta er frábær leið fyrir þá sem vilja læra að spila ákveðin lög eins og tónlistarmennirnir sjálfir gera það, segir í tilkynningu.

„Við væntum þess að tengingin við Gogoyoko verði mjög vinsæl meðal notenda og erum með fleiri plön á teikniborðinu sem munu koma notendum beggja vefja skemmtilega á óvart", segir Kjartan Sverrisson, framkvæmdastjóri Gítargrip.is, í tilkynningunni.

Gítargrip.is hefur jafnframt gert samning við STEF (Samband tónskálda og eigenda flutningsréttar) sem tryggir rétthöfum hugverka réttmætar greiðslur vegna notkunar verkanna í söngbókum og hefur það stuðlað að samstarfi við fjölmarga tónlistarmenn.

Nýr vefur Gítargrip.is fór í loftið um helgina.






Tengdar fréttir

Gogoyoko þarf hundrað milljónir

Tónlistarveitan og netsamfélagið Gogoyoko.com er í miðju hlutafjárútboði um þessar mundir og bindur vonir við að afla yfir eitt hundrað milljóna króna áður en þessi mánuður er á enda.

Framtíðin er Gogoyoko

Sprotafyrirtækið Gogoyoko er dæmi um blómstrandi íslenskt hugvit en fyrirtækið er vettvangur fyrir tónlistarfólk til að selja tónlist sína og koma sér á framfæri á netinu. Um helgina opnar fyrirtækið nýja og glæsilega tónlistarbúð þar sem tónlistarmenn fá allar tekjur sjálfir af verkum sínum. Anna Margrét Björnsson fékk sér kaffibolla með þeim Pétri Einarssyni og Kristjáni Gunnarssyni og fékk að heyra meira.

Tónlistarveita útilokar ekki landflótta

„Við eigum í viðræðum við fjárfesta og erum langt komin. En þetta tekur tíma,“ segir Haukur Davíð Magnússon, framkvæmdastjóri og einn stofnenda tónlistarveitunnar og netsamfélagsins Gogoyoko. „Það er ekkert þolinmótt fjármagn á Íslandi þótt margir gefi sig út fyrir að eiga það og ákvarðanafælni ríkjandi,“ bætir hann við.

Mest lesið


Fleiri fréttir

Sjá meira


×

Mest lesið