Frægir í fíling - myndir

Eins og meðfylgjandi myndir sem teknar voru á glænýjum skemmtistað, Hvítu perlunni, sem er á þremur hæðum við Austurvöll, sýna leiddist gestunum ekki.

Við höfðum samband við Arnór Bohic, einn af eigendum staðarins, til að forvitnast um staðinn og nafnið.

„Hugmyndin var að vera með kaffibar, skemmtistað og „sportlounge" því staðurinn er töluvert fínni en aðrir barir sem eru að stíla á boltann. Við erum með yfir 150 sæti í öllu húsinu," segir Arnór.

„Við erum með 3D sjónvörp. Já þú þarft að setja á þig gleraugu," útskýrir hann og segir:

„Allt í heildina erum við með 10 sjónvörp, 4 myndvarpa og stærsta myndvarpatjaldið í bænum. Allt saman í „high defenition". Svo erum við með frábæran mat. Á matseðlinum eru hamborgarar og samlokur og svo almennt barfæði. Svo er dansgólf hérna og pókerherbergi á efstu hæðinni plús veislusalur fyrir 90 mans."

Póker er það löglegt? „Já pókerherbergið er bara aðstaða hjá okkur," svarar Arnór.

„Ein önnur sérstaða líka er sú að menn geta pantað sér ákveðin svæði í húsinu. Þau eru mjög ólík og mismunandi upplifun. Stúkan, 3D gryfjan og nokkur svæði er þess vegna sniðugt að panta fyrir hópa," segir Arnór.

Hvað með nafnið á staðnum? „Nafnið Hvíta perlan kemur frá Alberti Guðmundssyni sem var mótvægið á móti svörtu perlunni , sem var Pele á sínum tíma. Við erum með myndir af Alberti bæði ungum og þegar hann var kominn í embættið á börunum. Síðan er logó staðarins tengt honum. Þessi fína sporttenging er því Albert var svo kraftmikill aðili. Okkur þótti það viðeigandi."