Sleppir öllu sem er gott til að líta vel út

Leikkonan Jessica Biel segist eiga við vandamál að stríða og það er að vera sjúk í ost.

Jessica er á sérstöku heilsufæði til að halda sér í góðu líkamlegu formi en þegar kemur að ostum þá stenst hún ekki mátið.

„Ég er á ströngum matarkúr þegar ég er í vinnunni en þegar ég er ekki að vinna flýgur hollustan út um gluggann," sagði Jessica í viðtali við BANG Showbiz.

„Ég elska pizzur, brauð, pasta og osta en gott líkamlegt form kemur ekki á náttúrulegan máta," sagði Jessica.

„Ég borða rétt, hreyfi mig og sneyði algjörlega hjá sykri, kaffi og brauði. Eða öllu heldur sleppi ég öllu sem er gott bara til að líta vel út."

Við gerðum könnun á Facebook síðunni okkar í morgun þar sem við spurðum lesendur Lífsins hvaða mat þeir eru bókstaflega sjúkir í?

Það stóð ekki á svörunum sem voru eins ólik og þau voru mörg:

„Kjötsúpu."

„Soðin ýsa með nýjum kartöflum og smjöri. Svo eru raspaðar rófur geggjaðar með."

„Kjöt. Nautasteik einu sinni í viku er möst annars dey ég."

„Grillaða samloku með osti og season all."

„Harðfisk, smjör og nýjar íslenskar, helst smælki."

„Popp og kók."

„Hamborgara. Klárlega skortur á góðum hamborgurum í Hollandi."

„SUSHI"

„Kjötbollur og kál."

„Kartöflur og allskonar kartöflurétti. Brokkólí nammi og kók."

„Hrísgrjónarétturinn sem ég bý sjálf til..."

„Fékk mér áðan ristað brauð með steiktum eggjum, fersku basil, tómötum, osti, ólífuolíu og salti og pipar. Basilplönturnar mínar eru í útrýmingarhættu, þetta er uppáhaldsmorgunmaturinn núna."

Takk fyrir þátttökuna. Vertu með okkur hér.