Leki kom upp um kannabisræktun

Lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Krummahólum í Breiðholti í dag. Þetta er fjórða kannabisræktunin sem lögreglan upprætir á innan við hálfum mánuði.

Í íbúðinni í Krummahólum fundust tugir og allt upp í hundrað kannabisplantna á áttundu hæð hússins. Sú hæð er efst í fjölbýlishúsinu og gengur ekki lyfta að henni. Óprúttni garðyrkjumaðurinn hefur því haft nokkuð næði við iðju sína.

Samkvæmt heimildum fréttastofu var það leki frá íbúðinni sem varð til þess að plönturnar fundust. Lekinn var þó ótengdur sjálfri ræktuninni og réð því nokkur tilviljun að þessi framleiðsla fannst.

Sigurbjörn Víðir Eggertsson aðstoðaryfirlögregluþjónn lögreglunnar á höfuðborgarsvæðinu segir þetta vera fjórðu ræktunina sem lokað undanfarnar tvær vikur.

Plönturnar fundust í húsleitunum og umtalsvert af efnum sem tilbúin voru til sölu.