Vilja skýrari lög um erlenda fjárfestingu á íslenskri grundu

Nefnd um erlenda fjárfestingu hefur lokið skoðun sinni á Magmamálinu svokallaða en í yfirlýsingu sem nefndin sendi frá sér í kvöld segir:

„Nú hefur nefnd um erlenda fjárfestingu lokið að afgreiða síðasta hluta

þess máls sem tengist fjárfestingu Magma Energy Sweden AB í HS Orku

hf.

Síðasta spurningin sem svara þurfti var hvort löglegt sé að HS

Orka hf eigi eignarhluti í öðrum orkufyrirtækjum.

Leit nefndin svo á eftir að hafa skoðað og rætt ítarlegt lögfræðiálit á málinu, að þessi þáttur sé samtengdur afgreiðslu málsins í heild og vísar því til

þeirra álita sem meiri- og minnihluti nefndarinnar lögðu fram í vor og

sumar.

Nefndarmenn leggja áherslu á að stjórnvöld endurskoði lög um erlenda fjárfestingu í íslenskum atvinnurekstri þannig að þau verði skýrari og að það er hlutverk löggjafans að svo verði.“

Nánar má lesa um álit nefndarinnar á vef efnahags- og viðskiptaráðuneytisins.