Skorað á Birnu bankastjóra að mæta á Austurvöll

Samtökin Nýtt Ísland skora á Birnu Einarsdóttir bankastjóra að mæta og taka til máls á tíunda kröfufundi vetrarins Austurvelli á morgun. Í tilkynningu frá samtökunum segir að þau hafi sótt Birnu heim í Íslandsbanka í vikulegum bílalána mótmælum síðastliðinn þriðjudag.

„Þar tókst Birnu ekki að útskýra og sannfæra mótmælendur um þau úrræði sem bankinn býður lántökum. Fólkið í landinu neitar að semja við gerendur hrunsins á þeirra forsendum einum og hrópar á réttlátar úrbætur/leiðréttingar, því er það kjörinn vettvangur fyrir Birnu bankastjóra að koma og útskýra betri úrbætur bankans á Austurvelli," segir í tilkynningunni en gert er ráð fyrir 7 mínútum í ræðupúlti fyrir Birnu.

Hin svokallaða vakningalest NÍ fer af stað í morgunsárið og áætlar að vekja upp stjórn og bankstjóra Íslandsbanka til að minna á kröfufundinn, stillt verður upp kraftmiklu hátalarakerfi fyrir utan heimili stjórnar og bankastjóra bankans.