Háskólanum á Akureyri barst um 1100 umsóknir

Háskólanum á Akureyri barst tæplega 1100 umsóknir fyrir skólaárið 2010-2011 en það er aukning frá fyrri árum. Fjöldi umsókna er mikill ef litið er til heildarfjölda nemenda við háskólann sem er um 1500. Þetta eru hinsvegar hrátölur því sumir umsækjenda sækja um nám í fleiri en einum háskóla og eða fleiri en eina línu innan Háskólans á Akureyri. Lokatölur um fjölda nemenda fyrir næsta skólaár skýrast um miðjan júlí.

Fjöldi umsókna jókst sérstaklega innan heilbrigðisvísindasviðs eða í hjúkrunarfræði og í iðaþjálfunarfræði en einnig varð fjölgun á auðlindasviði, sérstaklega innan sjávarútvegsfræðinnar sem er eingöngu kennd við Háskólann á Akureyri. Heldur dró úr umsóknum í viðskiptafræði og í félagsvísindi ef frá er talin sálfræði þar sem umsóknir jukust umtalsvert.